Amsterdam Hulanda – Diamars manera ya ta conoci e conocido reportero di crimen Peter R.de Vries conoci na Hulanda como Misdaadverslaggever a wordo tira.
Ariba un security video den e caya yama Lange Leidsedwarsstraat den centro di Amsterdam por mira De Vries bayendo probablemente su auto. Esaki despues di a sali di un programa di RTL Boulevard.
De Vries no tawata sa kiko destino tawata tin algun meter mas dilanti pa su persona, cerca di un parkeergarage.
Ariba e security video cu a cuminsa circula algun rato despues di e atentado, por scucha como 5 tiro.
Un di e tironan a alcansa Peter R.de Vries den cabes. E schutter of shooter tawata cerca di dje. E intencion tawata duidelijk, mata De Vries.
De Vries tawata na altura cu su nomber a aparece un asina yama Dodenlijst. E motibo, kizas su trabou investigativo den e mundo criminal.
E la wordo avisa door di autoridad, pero debi cu nan no kier bise ken ta tras di e menasanan di morto e la nenga pa cana cu bodyguards.
Semper e la laga sa cu e ta cana su so tur caminda y no tin nada di sconde y no ta haya na su luga cu e mester cana semper cu bodyguards. Diamars e nightmare cu su famia tawata teme pe a bira realidad.
Despues di tiramento mesora autoridad consistiendo di un team grandi di recherche a mobilisa.
Door di e signalement nan autoridad a aresta 2 sospechoso, segun polis un di nan ta e persona cu a tira De Vries.
Pues den 1ora di tempo, door di tipnan cu tawata drenta y tambe un cantidad grandi di Security Cameras den area a capta e auto(Renault) cu esnan cu a tira tawata aden.
Esaki a wordo haci pa e departamento di polis na Amsterdam yama Real Time Intelligence Center (RTIC). Eynan analistanan mesora a drenta den accion pa studia e imagennan y asina den un ora di tempo detene dos homber.
Ta trata di un homber di nacionalidad Polaco(35) y un hoben(21) Antiano/”Arubiano”? biba na Rotterdam. Pues no por confirma si e tin famia na Corsou of aki na Aruba.
E Renault cu nan tawata aden a wordo intercepta ariba caminda cerca di Leidschendam. Pues ariba A4 direccion Den Haag.
Aki e cos a bira interesante y alabes tristo, debi cu e hoben di 21 aña yama Delano Geerman cu ta un rapper lo ta esun cu a tira De Vries. Delano ya a yega di haye den problema cu husticia.
De Vries ta luchando pa su bida den Hospital na Amsterdam, unda cu tin teamnan arma di polis tur caminda, pues niun hende por drenta of sali zo maar sin wordo controla.