Home Local Destruccion di e imagen di La Birgen Maria banda di Misa Inmaculada...

Destruccion di e imagen di La Birgen Maria banda di Misa Inmaculada Concepcion na Santa Cruz

SHARE

Santa Cruz, dialuna den oranan trempan di mainta Pastor di e parochia di Sta Cruz a tuma nota di un destruccion cu lo mester a tuma luga dialuna den oranan di marduga. Un of mas persona lo a dicidi di bay destrui e imagen di Mama Maria (Inmaculada Concecpcion), cu tin den e grot chikito di piedra panort di misa, nan a lag’e completamente destrui.

Algo cu sigur ta un falta di respet pa e Iglesia y religion Catolico. E acto aki sigur ta uno condenabel. Na Maria School tin un camara di siguridad cu ta mustra net unda e imagen ta. Muy probablemente lo por a capta algo y si ta o por gara esnan responsabel pa e destruccion.

Spera cu despues di e hecho aki, e misanan Catolico cuminsa pensa riba instalacion di camaranan di siguridad. No ta prome biaha cu malechornan ta comete destruicion na iglesianan Catolico. Basta aña pasa, un persona cu problema mental, of tabata bou influencia di droga a destrui completamente e Imagen esun di Kapel di Alto Vista a keda completamente destrui. Tambe un biaha a trata na kima e altar den e misa Papa Juan Pablo II, na Tanki Leendert.

Ban spera cu e camara di siguridad na Maria School ta trahando y asina haya un pista clave, ken ta e malechornan cu a destrui e imagen di Mama Maria.