Home Entertainment Evento REEMERGENCE, 30 di juni Cas di Cultura

Evento REEMERGENCE, 30 di juni Cas di Cultura

SHARE
??????????

Fundacion Orguyo den colaboracion cu Cas di Cultura ta organisa un anochi di crea coneccion y topa otro, serando e luna di ‘Pride’ cual ta para pa e promocion y afirmacion, dignidad, igualdad y creacion di visibilidad di e grupo LGBTQ+ den comunidad.

Di e grupo ‘On the Quays’ di New York City, e mesun grupo cu a trece e musical ‘RENT!’ na Aruba na 2017, lo wordo estrena un shortfilm musical cu ta mustra e regenboog di diversidad di persona den e comunidad LGBTQ+. Demonstrando talento profesional di calidad di Broadway den canto, baile, actuacion, filmacion y creacion musical e produccion “REEMERGENCE” tin como subtitulo “A Queer Visual Album”, poniendo enfasis riba inclusion y celebracion. “REEMERGENCE” lo mustra 5 videoclip nobo, traha pa e integrantenan di On The Quays. Cuater (4) lo ta di cancion existente pero aregla den bachi nobo y un cancion ta ful autentico.

DJ Xuxa lo anima y anochi y Deep Eddy Vodka ta patrosinador. Parti di e entrada lo bay pa apoya un organisacion cu ta para pa e causa di LGBTQ+. E evento ta cuminsa 7pm y e screening di “Reemergence” ta 8pm dia 30 juni na Cas di Cultura. Pa mas informacion bishita e FB page di Cas di Cultura. Fundacion Orguyo y Cas di Cultura ta invitabo pa ta parti di un anochi ameno, positivo y inspirativo di kibra siman.