Home » Ambulance envolvi den accidente di trafico na altura di Cayena Mall

Ambulance envolvi den accidente di trafico na altura di Cayena Mall

by Admin
0 comment 113 views

Caya G.F.Betico Croes  – Diamars mainta den careda di 9’or un ambulance bayendo un asistencia a haye envolvi den un accidente di trafico.

E accidente aki a sosode dilanti Cayena Mall, momento cu un Nissan Tiida a mira e ambulance biniendo for di pariba y a hala na su man drechi, unda entrada di e parkeerplaats ta.

Un  Nissan Cube pa un of otro motibo lo no a reacciona lihe y aki e ambulance ta dal contra dje.

Por mira cu e ambulance su parti robes ta esun cu a sufri mas daño, indicando cu e chauffeur di e ambulance mirando locual tawata bay pasa a hala na su man drechi.

Ambos tire di e ambulance a kibra, parti di e body a sufri daño y tambe e spiel a kibra.

Ariba tirenan kibra e ambulance a sigui bay y mas pabou a baha caminda y keda para eynan. Hefe di ambulance Sr.Hoek tambe a presenta pa pone su mes na altura di locual a sosode.

Na e sitio polis mester a busca chauffeur di e Nissan Cube cu lo a trata na bandona e sitio, bisando cu e ta bay yama un persona eybanda mes.

Polis a haye y a hinke den e patruya, no ta conoci si e homber por ta un persona indocumenta.

Takelwagen lo mester bay cu e ambulance y tambe Nissan Cube, debi cu niun di dos lo por move ariba nan mesun forsa.

No tawata tin persona herida den e accidente aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio