ORANJESTAD – Departamento di Asuntonan Economico, Comercio y Industria y su unidad Exprodesk, ta invita nos comerciantenan pa participa na e tayer ‘Find Your Exportable Talent!’. Si bo ta ofrece servicionan caba riba mercado local y bo kier haya sa mas informacion con bo por expande bo negoshi door di exporta, esaki ta bo oportunidad di expande bo alcance riba mercado internacional y alacansa un audiencia regional of global.
E tayer aki ta virtual (Zoom online) y ta tuma luga riba diaranson, 7 di juli 2021, 10:00am presenta pa Sra. Taiana Mora-Ramis di NEX Consulting cu ta un coach internacionalmente reconoci. E tayer ‘Find Your Exportable Talent!’ ta completamente gratis. Pa participa mester registra na https://cutt.ly/Exprodesk
Pa mas informacion over di e tayer ‘Find Your Exportable Talent!’, por tuma contacto cu Sra. Sharon Meijer via: [email protected]