MEP su vision economico ta dirigi riba crecemento economico sostenibel. E meta no ta crecemento riba su mes pero conecta na bienestar general di pais Aruba. E maneho economico ta dirigi riba un maneho Economico Sostenibel den cuadro di e 17 metanan sostenibel di Nacionnan Uni cual Aruba a compromete cu ne. Den programa di MEP pa gobernacion 2021-2025 pa economia, E motor mester draai pa tin movecion, ta amplia riba loke Gabinete Wever-Croes a logra durante e periodo di gobernacion 2017 pa 2021.
Un periodo no facil pa motibo primeramente door di e situacion financiero desastroso cu MEP a encontra cu a conduci cu Gobierno mester a hala faha mara hunto cu nos pueblo pa asina nos pais por a bay bek riba e bon rumbo financiero. Den un periodo di casi 3 aña, Gabinete Wever-Croes a logra un surplus den nos presupuesto despues cu esaki no tawata e caso durante e gobernacion anterior.
Despues cu a logra esaki, a bin e pandemia di Covid 19 na unda cu mundialmente a sufri di e efectonan devastador aki. Sinembargo, Gabinete Wever-Croes a actua cu sabiduria y a percura pa negosha cu Hulanda pa asina pone nos hendenan na prome luga. A logra FASE, subsidio di salario. Subsidio pa negoshinan pa asina nan no bay fayiet. Y awo, poco poco por mira luz na e final di e tunel. Luz di speransa y recuperacion. Nos ta den tempo di recuperacion. P’esey Partido MEP den su programa pa e proximo gobernacion a indica e pasonan cu lo tuma pa asina cana e caminda di recuperacion acompaña pa cada ciudadano di nos dushi barranca.
Lo Crea cupo di empleo.
100% recuperacion salarial di sector publico y sector priva den e cuponan di empleo existente y ehecuta e Proyecto “Aruba Kier Traha” di recapacitacion pa yuda nos hendenan bek cu un trabou.
Fortifica nos pilar economico principal, turismo, a traves di un desaroyo turistico balansa y di calidad enbes di cantidad y enfocando riba diversificacion den e sector turistico.
Creacion di industrianan nobo como pilaranan economico riba e 6 sector prometedor entre otro sector primario, agricultura, cria y pesca, y industria creativo y cultural y introduci un Mercado popular.
Enfoca riba Aruba su economia di Patrimonio, Creatividad y Recreacion Economico – “Aruba’s Outdoor Amenity, Creative & Recreational Economy Program”, pa genera un actividad economico recreativo y creativo rond di nan pa atrae mas bishitante y mehora e calidad di experiencia durante e bishita.
Creacion di industrianan nobo como pilaranan economico riba e 6 sector prometedor entre otro sector primario, agricultura, cria y pesca, y industria creativo y cultural y introduci un Mercado popular.
Enfoca riba Aruba su economia di Patrimonio, Creatividad y Recreacion Economico – “Aruba’s Outdoor Amenity, Creative & Recreational Economy Program”, pa genera un actividad economico recreativo y creativo rond di nan pa atrae mas bishitante y mehora e calidad di experiencia durante e bishita.
Nos prioridad ta pa crea mas desaroyo economico dirigi riba crea cupo di empleo pa nos ciudadanonan, genera mas entrada pa nos pais y pa genera devisas pa fortifica nos moneda. E esfuersonan aki combina cu ehecucion di e Plan Nacional di Vacunacion contra Covid-19, lo percura pa nos yega un normalidad “nobo” mas lihe posibel.