Home » CaribResearch ta preparado un Agenda di Investigacion 2021-2025 pa e 6 teritorionan Caribense den Reino Hulandes.

CaribResearch ta preparado un Agenda di Investigacion 2021-2025 pa e 6 teritorionan Caribense den Reino Hulandes.

by Admin
0 comment 106 views

CaribResearch ta un fundacion di investigacion no gubernamental independiente estableci na Aruba na 2018 y registra na Camara di Comercio di Aruba. CaribResearch ta e prome y te ainda e unico fundacion di investigacion cu ta representa e 6 teritorionan Caribense den Reino Hulandes: Aruba, Corsou, Boneiro, St. Maarten, Saba y Statia. E 9 miembronan de directiva di CaribResearch ta profesionalnan academico local cu experiencia den investigacion y conocemento y comprension profundo di cultura, historia y realidad local di e 6 teritorionan. E Cuerpo di Conseho di CaribResearch ta forma pa experto den investigacion y lider academico di Aruba, Corsou, Puerto Rico, Hulanda y Merca.

CaribResearch a asumi e responsabilidad pa haci investigacion di calidad halto, culturalmente relevante, eticamente responsabel, sistemico y integra. E meta ta pa sirbi e resiliencia, progreso y soberania di e comunidadnan di e teritorionan Caribense den Reino Hulandes. E privilegio y e responsabilidad pa inicia, realisa, coordina y interpreta investigacion local ta principalmente den man di experto di investigacion local. Ta nan ta compronde e fenomenonan local miho y tin e derecho fundamental pa genera y duna sentido na e conocemento y comprension necesario tocante fenomeno social local. CaribResearch ta creando un organisacion fuerte cu por asumi e responsabilidad aki. Actualmente CaribResearch ta conta cu un grupo di alrededor di 15 coordinado di area di investigacion y 20 miembro di e “comunidadnan di investigado” cu ta organisa rond di e 5 areanan di investigacion. Nos comunidadnan di investigacion tambe lo inclui experto di nos diaspora den exterior. 

Despues cu presenta su Agenda de Investigacion 2021-2025, CaribResearch lo drenta den un siguiente etapa den cua lo ehecuta proyecto di investigacion  na forma structura y lo fortalece mas ainda e competencia local di investigacion den diseño y metodologia di investigacion, tanto cuantitativo como cualitativo. Tambe lo crea cuadro conceptual relevante y organisa seminario tematico. Ademas lo inicia proyecto di colaboracion entre CaribResearch y organisacion local, regional y internacional. CaribResearch pronto lo lansa su website pa mantene tur esnan cu ta interesa den su actividadnan di investigacion bon informa. 

 

Na nomber di directiva di CaribResearch,

Lydia Emerencia, PhD, presidente, (Bonaire)

Richenel Ansano, MA., vice-presidente (Curaao)

Jessica Berkel, Msc., secretario (Statia)

3 di juni, 2021

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio