Home » Caso sumario contra Speed pa rectifica acusacionnan no funda

Caso sumario contra Speed pa rectifica acusacionnan no funda

by Admin
0 comment 113 views

ORANJESTAD – Awe atardi 3.30 den Corte di Husticia a tuma lugar e caso sumario cu e dama Opheila Beyde a cuminsa contra Nelson (Speed) Cabral de Andrade.

Aruba Native por a compronde cu e dama Beyde a wordo representa pa mr. de Hoogd mientras cu Speed a wordo representa pa mr. Illes. E demanda ta cu Speed durante su programa na radio a expresa cu ta Beyde a horta password y documento di Leoncita Arends y duna Otmar Oduber pa a usa den temporada di eleccion na 2017.

E abogado mr. de Hoogd a mustra cu door di e expresionnan haci door di Speed, 4 biaha Landsrecherche a bay na cas di Beyde pa haya informacionnan tocante e password pa cu e caso Avestruz. E abogado a bisa cu door di esaki e mama di Beyde a bira malo. E abogado ta haya cu Speed mester rectifica expresionnan cu no ta cuadra cu e berdad. El a mustra riba hurisprudencia di libertad di prensa caminda no por bay haci acusacionnan sin cu no tin prueba.

Di parti di Speed, mr. Illes a bisa cu Speed a haci e expresionnan a base di informacion cu Leoncita a dun’e. E abogado a presenta un carta di Leoncita cu ta bisa cu ta el a bisa Speed cu Beyde a horta e password y documentonan. E abogado ta haya cu Beyde no mester a cuminsa caso contra Speed sino contra Leoncita.

Hues a haci pregunta na Speed, pakico no a bay busca e opinion di Opheila promer cu el a haci e expresionnan. Speed a bisa cu e no ta papia cu Beyde y como tal esey no ta posibel. Sinembargo coleganan a haci esey su siguiente dia pero ya e problema a cuminsa caba.

Hues a sera tratamento di e caso y a bisa cu dia 23 Juni 2021 lo tin sentencia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio