79
Avenida Milo Croes – Diadomingo anochi polis di trafico y ambulance a bay crusada di Avenida Milo Croes cu Stadionweg, unda a sosode un accidente di trafico.
Na yegada polis a haya e dos vehiculonan, un Kia Sportage y Isuzu pick up.
E KIA Sportage tawata esun cu a ricibi mas daño material, mientras cu e pick up a haya daño patras na banda robes.
E accidente a sosode momento cu e Isuzu pick up a sali cu velocidad abou dilanti di e Sportage cu tawata biniendo di su man robes.
Aki e Sportage a dal e y pone spin.
Un dama lo a bay for di tino y pa e motibo aki presencia di ambulance tawata necesario.
Na su yegada Paramediconan a atende cu e dama den ambulance na e sitio.
Polis di trafico y Forensys tawata na e sitio pa asina tuma tur dato.