Wilhelminastraat – Diabierna anochi algo pasa di 11’or polis a wordo pidi cu urgencia tegenover di ELMAR na Playa, unda un homber lo tawata maltratando un muhe.
Ariba e acera tawata tin un dama drumi e tabata na yoramento, un otro dama y un homber tawata purbando pa lante.
Por a mira cu e dedenan di pia di e dama tawata na sanger, posiblemente na momento cu e homber lo tabata maltratando e, e dama lo a cay y herida su pia, e dama tawata yora y tawata tin dolor.
Na momento cu e homber tawata papia cu e dama y a trata na lante for di riba e acera e dama hopi rabia a nenga ayudo di e homber, door di a hala su man y cu rabia e la bisa e homber “lagami”. Esaki muy probablemente por tawata e mesun homber cu un rato prome lo a maltrata e dama aki.
Na e sitio tawata tin dos vehiculo, uno ta di e homber y otro mas sigur lo tawata di un dama cu tambe tabata na e sitio. Un persona cu a mira e dama drumi riba e acera a puntra si nan mester di asistencia medico, pero nan a nenga.
Na momento cu e personnan na e sitio a scucha cu polis ta na caminda y a scucha e sirena di polis acercando, tur cos a bolter, e dama cu tabata e victima di e maltrato, prome cu polis a yega e la lanta y a cana bay den direccion pabou, esta direccion di e luznan di trafico.
E dama mas sigur no tawata kier a papia cu polis y no lo tawata kier a haci denuncia contra e persona cu a maltrate.
No keda polis mucho cos cu gewoon sigui nan caminda.
Violencia contra e ser femenino ta keda sosode diariamente aki na Aruba. Den varios caso toch hopi biaha e victima ta opta pa no entrega keho contra nan partner/casa causando un circulo vicioso, unda cu e momento ey e homber lo pidi tur sorry di mundo y te hasta yora. Pero algun dia despues e ta lubida su promesa y e monster cu ta biba den dje ta take over y ta bolbe maltrata e dama atrobe.
Tanten cu e dama mes no haci un denuncia oficial, autoridad no por actua. Maske tin casonan unda polis mes lo por actua mesora y detene e agresor, por ehempel den casonan cu e dama wordo severamente maltrata y cu mester atencion medico cu urgencia.
