81
Recientemente Minister mr. Andin Bikker a reuni cu e Embahador di Reino Hulandes staciona na Venezuela, sr. Robert Schuddeboom. E ultimo aki ta di bishita na Aruba pa reuni cu varios mandatario y instancia.
E Embahada di Reino Hulandes na Venezuela ta instrumental den cuadro di por ehempel aplicacion pa visa a base di e Rijksvisumwet, e vuelonan humanitario y ora di accion di rescate cu ta regarda tripulacion di botonan cu por a drief bay den awanan teritorial di Venezuela y vice versa.
Na final di e reunion Minister Bikker a expresa cu tabata un reunion hopi fructifero y cu ela gradici e representante diplomatico pa tur su sosten y cooperacion brinda na nos isla.