L.G.Smith Boulevard – Diamars atardi algo pasa di 3’or polis di Oranjestad bayendo un asistencia a haye envolvi den un accidente di trafico.
E accidente a sosode poco pariba di e parke unda e busto di Boy Ecury ta situa.
Locual a sosode tawata cu e patruya di Oranjestad tawata bayendo un asistencia y tawata tin su sirene on, pero su zwaailicht no tawata cendi. No ta conoci si e por ta defecto of e tawata paga.
E Suzuki Swift lo a bay bira pa parkeer y haci un entrega, momento cu e ta birando e patrouille di Oranjestad a dal e parti patras banda robes.
Mesora e agentenan a baha pa mira e situacion di e chauffeur. A resulta cu e chauffeur tawata herida, kehando di dolor den pecho.
Mesora a pidi pa ambulance, esaki a tarda un poco nos mester bisa.
Na yegada Paramediconan a pidi pa materiaalwagen di Brandweer pa yuda habri e porta.
Despues cu e la wordo saca di e auto Paramediconan a transporte pa Hospital.
Departamento di trafico a presenta pa haci un investigacion y tambe departamento tecnico.
E auto di polis a sufri hopi daño y ambos mester a wordo movi cu takelwagen.
