Home » Homber grandi cu mal intencion a acerca un hobencita di 14 aña

Homber grandi cu mal intencion a acerca un hobencita di 14 aña

by Admin
0 comment 75 views

Mozartstraat, Oranjestad: Diasabra den careda di 5’or di atardi, presencia di polis a wordo pidi na un adres den Mozarstraat, pa un homber cu a acerca un hobencita di 14 aña cu menos bon intencion.

Na yegada di polis no tabata tin niun hende, un rato despues un señora cu algun mucha chikito a yega y e señora a bisa polis kiko a caba di sosode cu un di e muchanan aki, di 14 aña.

E hobencita a conta polis cu un homber grandi un poco bruha, lo a acerk’e y a cuminsa papia cu ne, e homber a bis’e pa e bay den auto cu ne, e hobencita dimes no a bay cu e homber .

Testigonan cu e mira e homber cu menos bon intencion aki, papia cu e hobencita, mesora a bati alarma y lo a bisa polis cu e homber bay direccion di Citgo Oranjestad.

Polis a bay direccion di Citgo Oranjestad, aki a topa cu un persona kende a duna polis mas informacion con e homber tabata bisti cu un carson preto, flanel blauw shinishi y cu un bril di solo. E homber ta pelon y lo a ta un usado di droga.

Polis a sigui patruya den e area pa mira si nan lo por topa cu e homber aki, pero sin resultado.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio