Home » Dama chauffeur manehando bou influencia a cause accidente na Paradera

Dama chauffeur manehando bou influencia a cause accidente na Paradera

by Admin
0 comment 102 views

Paradera – Diabierna algo prome cu mey anochi a sosode un accidente ariba e caminda di Paradera, un poco mas pabou unda antes tawata Pacifico bar restaurant. 

Tawata trata di dos auto Hyundai y ambos auto tawata tin un dama como chauffeur. 

Un di e damanan a resulta levemente herida, despues di e impacto.

E accidente a sosode momento cu un Hyundai bayendo direccio Piedra Plat a hala na su man robes y ta dal na banda di e Hyundai bayendo direccion di MFA Paradera.

Chauffeur di e Hyundai bayendo direccion MFA Paradera ta esun cu a resulta herida. Tire banda robes a wordo ranca por completo door di e Hyundai bayendo direccion Piedra Plat.

Polis na su yegada a constata cu e dama cu a causa e accidente ta bou influencia y a bise su derechonan y cu a ta wordo deteni pa core auto burachi.

Mientrastanto ambulance tawata yegando di banda di pabou pa atende cu e chauffeur herida, cu a keda den auto sinta.

Paramediconan na yegada a papia cu e chauffeur herida y a splike kiko nan ta bay haci pa sake di e vehiculo.

Despues cu e la wordo saca nan a pone den ambulance y a sali direccion Hospital pa un control mas extenso. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio