Home » A lansa Caribbean Shark Coalition (Koalishon Karibense di Tribon) pa Promové Training, Impakto, i Kolaborashon den kuadro di protekshon di tribon den Region di Karibe Amplio

A lansa Caribbean Shark Coalition (Koalishon Karibense di Tribon) pa Promové Training, Impakto, i Kolaborashon den kuadro di protekshon di tribon den Region di Karibe Amplio

by Admin
0 comment 46 views

 

St. Maarten, 20 di mei 2021 – Dutch Caribbean Nature Alliance (DCNA) ku Beneath the Waves (BTW) a lansa Caribbean Shark Coalition (CSC) (Koalishon Karibense di Tribon), un plataforma inovativo nobo, pa trese stakeholdernan, investigadónan, gobièrnunan i dunadó di fondonan huntu pa kolaborá ku otro di manera mas mihó i pa ampliá e impakto di siensia i di maneho den hinter e region di Karibe Amplio.  

Den e koalishon tin representashon di 45 miembro nobo di NGO, gobièrnu, i empresa lokal di 24 pais, ku formalmente a bira miembro di CSC pa krea kapasidat den seno di investigashon, maneho i esfuerso di edukashon pa e espesienan menasá akí den e region. 

E region di Karibe ta hunga un papel importante den oumentu di e meta global di protekshon di 30% di oséanonan di mundu na 2030. Bou di e vishon akí, CSC tin tres meta primario marká, ku mester alkansá pa medio di trabou di kolaborashon i proyektonan di miembronan di CSC. Na di promé lugá, CSC lo promové kolaborashon den investigashon di tribon ku chuchu, maneho, i krea kapasidat pa konservashon bou di stakeholdernan, i proveé oportunidat pa traspaso di konosementu i síntesis di dato. CSC ta bai trata tambe di eksplorá formanan pa logra protekshon ku ta krusa frontera di manera ku ta salbaguardiá salubridat pa temporada largu di e populashon di tribon ku chuchu di un manera mihó. Finalmente, CSC tin komo meta promové un futuro duradero pa e espesienan akí i e komunidatnan di hende ku ta dependé di nan, dor di krea kompromiso entre empresanan, stakeholdernan i korporashon privánan lokal. 

“Esaki ta un momentu históriko pa esfuersonan di konservashon di bida marino den Karibe,” Tadzio Bervoets, Direktor di DNCA i un miembro di e tim fundadó na CSC ta bisa. “Nos a propagá protekshon di bida marino den e awanan akí, komo ku nos ta na altura ku e yagdónan akí ku ta na tòp di e kadena nutritivo ta trese konekshon entre ekosistemanan, refnan, peska i nutrientenan den Zonanan Ekonómiko Eksklusivo. CSC lo yuda nos pa haña i atendé ku e burakunan importante den konosementu di tribon ku chuchu den region i pa sostené proyektonan di investigashon den kuadro di kolaborashon.”

Dr. Austin Gallagher, Sientífiko Mayó di Beneath the Waves, ta kompartí, “Den kurso di añanan nos a konosé asina tantu stakeholder di tur parti di e region ku ta ekspresá nan interes den haña embolbimentu den investigashon òf edukashon básiko tokante tribon, pero e falta di rekurso òf ekspertisio tékniko òf operashonal tabata limitá nan di tuma akshon. 

E ta agregá, “Nos ta spera ku e Koalishon por tin un papel den kreashon di e entidat amistoso, abierto, i ku ta duna sosten manera e bosnan akí tabata buskando.”

E miembronan di CSC ta representá un kolekshon di ekspertonan for di seno di NGOnan, komunidatnan lokal, organisashonnan intergubernamental i gobièrnunan, akademianan i institutonan di maneho, ku empresanan lokal ku ta traha huntu pa promové e estudio i konservashon di tribon ku chuchu, ku ta haña den e awanan di Karibe Amplio. CSC lo bini ku training ku ta krusa disiplina, investigashonnan den hinter e region, i lo fasilitá fondo na proyektonan di miembronan di CSC. CSC lo representá e interesnan i metanan di su miembronan i mas amplio di espesienan di tribon ku chuchu di Karibe na Nashonnan Uní (UNEP-CEP i e Sentro Regional di Aktividat pa Protokòlnan di SPAW di e Konvenshon di Cartagena), IUCN-Caribbean, CITES, CMS, CBD, i demas reunionnan internashonal.

Pa mas informashon bishitá www.caribbeansharks.co

Foto credit: Sami Kattan (all rights reserved)

# # #

Tokante Dutch Caribbean Nature Alliance

Dutch Caribbean Nature Alliance ta un organisashon nonprofit ku a lanta pa salbaguardiá naturalesa na Hulanda Karibense pa medio di sosten na Organisashonnan di Maneho di Área Protehá. DCNA ta aspirá di konsolidá konosementu i di yena buraku di fondo pa konservashon denter di Hulanda Karibense. DCNA ta mantené un pilá sentral den sosten, kompartí konosementu i komunikashon entre e islanan di Hulanda Karibense.

Tokante Beneath the Waves

Fundá na 2013, Beneath the Waves ta un NGO pa oséano hasiendo uso di siensia di mas moderno pa promové deskubrimentu sientífiko i pa katalisá maneho di oséano, ku enfoke riba espesienan i ekosistemanan ku ta bou di preshon di eksistensia. Bou di guia di un grupo di lidernan establesé i ku ta hañando fama den e mundu di konservashon marino, nan tin komo meta enfoke riba konservashon di biodiversidat i espesienan manera tribon ku ta gusta move entre e regionnan den Atlántiko, Karibe i Oséano Pasífiko. Nan trabou a generá alrededor di 100 publikashon sientífiko, innumerabel deskubrimentu nobo, i nan tabata embolbí den estudio i konservashon di alrededor di 1 mion kilometer kuadrá di área marino protehá.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio