Paradera: Diadomingo den oranan di mainta, presencia di polis y ambulance a wordo pidi na e T kruising pabou di e Gas station na Paradera, pa un boksmento pa falta di dunamento di preferencia.
Na yegada polis a bin topa cu un Hyundai Accent Blauw, e dama chauffeur tabata levemente herida. Tambe bandi panort di caminda nan a bin topa cu un Nissan Versa Blanco, cu tabata wordo maneha pa un cabayero.
Na e sitio nan a bin compronde, cu e dama chauffeur di e Hyundai Accent blauw tabata para pazuid di e T kruising, pa lora bay pabou, pa un of otro motibo, e la subi e caminda di grandi sin duna preferencia na e Nissan Versa cu tabata biniendo di pabou.
Impacto fuerte a laga e dos autonan cu basta daño material y e dama chauffeur di e Hyundai Accent a keda levemente herida en espera di ambulance.