Palm Beach: Diamars den oranan di mainta varios turista tabata testigo di e suicidio cometi pa e homber cu a bula for di 7 piso na Divi Phoenix.
E turista despues di a mira con e homber a bula for di 7 piso a keda den un shock y tabata yora. Mayoria di e turistanan tabata na grito na momento cu nan a mira e intencion di e homber cu tabata para riba un mesa, prome a stap over di reling y a keda wanta na e reling, despues a cay abou. Na momento cu e la bula, for di leu por a scucha un gritamento feros di tur cu tabata testigo di e suicidio aki.
Por a mira un cantidad di coleganan di e defunto y tambe turistanan cu tabata yora despues di tabata testigo di e suicidio aki.
E turista a conta kiko e la mira y tambe cu su famia tambe ta sufri di depression.