Diamars mainta algo despues di 10’or, un cabayero di 28 aña, di Fam Semeleer, na pia di trabou a dicidi di pone fin na su bida.
E homber ta un persona cu ta sufri di e cruel enfermedad cu yama Depression. Depression ta un enfermedad cu hopi hende ta sufri di dje, tin persona cu ni sa mes cu nan ta sufri di depression.
Algun sintoma di depression:
Sinti bo down y melancolico, cu gana di yora.
Disfruta menos di bida,
Come mas of menos cu normal.
Sufri di insomnio
Cansancio,
Problema cu concentracion
Te hasta pensa riba suicidio.
Lesando locual e defunto a pone riba su facebook, ta indica cu algo grandi lo a pasa of e tabata pasando den dje, e no por a sigui biba cu ne mas y posibelmente e no lo a busca of no a haya suficiente ayudo pa cu e enfermedad cruel aki. Lamentabelmente awe e enfermedad mental cu yama Depression a gana y e cabayero a perde su bataya.
Lesando locual Semeleer a skirbi riba su Facebook, ta bisa cu e la sconde su enfermedad y asina a laga esaki venc’e. Riba su facebook, prome cu e la comete suicidio, e la pidi tambe pa su post sea un les pa concientizacion. Sigur pa tur persona cu ta sufri di e cruel enfermedad aki, pa nan busca ayudo.
Mundo tin mas cu un aña pasando den un pandemia, cu a haci hopi daño y sufrimento na humanidad. Hopi hende ta pasando den momentonan hopi dificil, no solamente financieramente, pero tambe emocionalmente. Hopi persona a perde trabou, a perde un ser keri door di Covid-19. Tur esaki y hopi mas por trigger Depression.
Laga cu post di e cabayero aki sea un les pa otronan cu tin e sintomanan di depression, pa nan Si busca ayudo hopi lihe.
Lo ta bon pa Gobierno di Aruba adkeri mas Psychiater pa yuda e hendenan aki corectamente y tambe duna agentenan policial training specialisa den Hostage/crisis negociations, paso den momentonan asina, locual e agentenan a experiencia awe na Divi Phoenix, profesionalismo y cada seconde ta conta.
Tin hopi hende sufriendo di enfermedad cu yama Depression y si nan no haya e ayudo corecto y na tempo, nan tambe lo perde nan bataya contra depression y comete suicidio.