Home Local Prolongacion periodo di entrega Registro di Personal 2020 – 2021

Prolongacion periodo di entrega Registro di Personal 2020 – 2021

SHARE

ORANJESTAD – E Ordenansa Laboral 2013 (Arbeidsverordening 2013, AB 2013 no. 14) ta vigente desde 1 di april 2013. A base di articulo 30, prome inciso, di e Ordenansa Laboral 2013 un dunado di trabou ta obliga pa entrega e Registro di Personal (Personeelsregister) na Director di Departamento di Labor y Investigacion (DAO). Den e Decreto Nacional Registronan di Ordenansa Laboral 2013 ta regla e modelo di e Registro di Personal. E Registro di Personal ta consisti di tres parti, Modelo 1A, e personal registra den aña 2020; Modelo 1B, e necesidad pa personal pa 2021 y Modelo 1C, e necesidad di personal pa cada proyecto specifico den 2021, identifica como necesidad den modelo 1B. 

 

Departamento di Labor y Investigacion ta informa pa medio di e comunicado di prensa aki cu a base di e gran cantidad di peticion ricibi, DAO ta prolonga e periodo di entrega di e Registro di Personal 2020-2021 pa tur empresa na Aruba te cu 31 mei 2021.

 

Registro di Personal 2020-2021 

 

E unico forma cu por entrega e Registro di Personal ta den e forma digital. Desde 26 februari 2021 por download e formulario digital (Excel sheet) ‘DAO Personeelsregister 2020 – 2021’ for di website www.daoaruba.com of www.gobierno.aw of por haci un peticion via e-mail na aanvraagpr@gmail.com  y DAO lo mail bo e formulario digital.

 

Unda y con por entrega e formulario di Registro di Personal 2020-2021

 

DAO ta haci un peticion pa hinca e datonan den e formulario digital, segun e modelo stipula pa ley, y manda nos esaki na e-mailadres arbeidsmarktaruba@gmail.com

 

Den caso cu bo compania tin un of mas sucursal, DAO ta haci un peticion pa yena e Registro di Personal no solamente pa e oficina principal (hoofdvestiging) (p.e. kvk-nummer 5555.0) pero tambe pa cada sucursal (p.e. kvk-nummer 5555.1, 5555.2 etc.). Nos ta pidi tambe pa indica cua trahadonan ta rouleer door di pone un strea (*) den kolom patras di e kolom “No.” ariba e formulario digital. 

DAO ta informa cu ta obligatorio pa yena tur 3 modelo. Den caso cu no tin necesidad pa personal of necesidad pa personal pa cada proyecto specifico pa 2021, ta yena ‘nihil’ ariba modelo 1B y modelo 1C.

 

DAO lo manda bo via e-mail un comprobante cu a ricibi bo formulario di Registro di Personal 2020-2021. Tene cuenta cu e comprobante di entrega no ta implica aprobacion di e Registro di Personal 2020- 2021. DAO lo duna durante aña 2021 aprobacion of desaprobacion di e Registro di Personal 2020-2021. 

 

Tene na cuenta cu entrega di e Registro di Personal 2020-2021 ta obligatorio den e periodo di
1 maart 2021 te cu 31 mei 2021.  

 

Companianan cu no ta cumpli cu entrega di e Registro di Personal den e periodo menciona como tambe esnan cu no a entrega esaki e aña anterior ta den incumplimento cu articulo 30 di e Ordenansa Laboral 2013. DAO lo bay over pa tuma accion contra esakinan. E compania lo por ricibi un sancion administrativo pa no cumpli cu e obligacion di entrega di e Registro di Personal. Tene bon na cuenta cu den caso cu un Registro di Personal no ta corectamente yena y DAO a comunica esaki na e compania pero e compania no a adapta e Registro di Personal, nos ta considera esaki tambe como incumplimento di parti di e compania. 

 

Paardenbaaistraat 11

Tel. 5237720 / Fax. 5237772

 

Pa companianan cu ta haci uzo di un intermediario (p.e. accountings- of adviesbureau) DAO kier recorda cu cumplimento di nos leynan laboral ta un obligacion di e dunado di trabou y no di e intermediario. 

Si tin mas pregunta tocante e Registro di Personal por tuma contacto cu sra. Louisetty Croes na number di telefon 5237722 of via e-mail louisetty.croes@aruba.gov.aw of por tuma contacto cu un funcionario di Bureau Arbeidsmarktonderzoek na number di telefon 5237720 of manda un e-mail na dao.arbeidsmarktaruba@gmail.com