Vondellaan – Diaranson tawata un dia mas den caso Avestruz, den oranan di mainta Sr. Franklin Abath a haya bishiti di algun funcionario di Landsrecherche.
Eynan e mester a compaña e recherchenan pa Landsrecherche su kantoor na Vondellaan.
Desde e ora ey Abath a wordo someti na oranan di interogacion. Por a mira den oranan di merdia durante cu e Abath tawata den un otro camber, Sra. Leoncita Arends ta wordo busca door di guardianan di CEA. Pues Sra.Arends a wordo treci den oranan di mainta y a sali bek algo prome cu 2’or.
Despues cu Sra.Arends a wordo hiba bek su cel, por a mira cu dos abogado a yega. Sr.Abath posiblemente a solicita pa 2 abogado.
Por a mira un movecion grandi di agentenan na Landsrecherche, un bay bin cu envelop y otro cosnan.
Trabou tin.
Despues cu e ultimo abogado a bandona e kantoor di Landsrecherche CEA su transportwagen a yega y por a mira cu nan a baha y sali cu Sr. Franklin Abath.
Pues Sr. Abath ta un di e sospechosonan principal den e caso Avestruz, esaki debi cu e tawata director di DIP antes Domijnbeheer.
Asina por mira cu manera e prome detencion a cay cu tawata e dama di fam Richardson, esaki a sigui manera un domino effect.
