Home Police Kiko mas ta warda: Accidente di trafico un biaha mas ariba crusada...

Kiko mas ta warda: Accidente di trafico un biaha mas ariba crusada na Palm Beach

SHARE

Palm Beach – Diaranson mainta pa mas o menos 9’or polis a bay un accidente un biaha mas na e crusada di Palm Beach, unda cu e caminda ta cera parcialmente debi cu e luznan di trafico no ta trahando.

Eynan polisnan a topa cu un Jeep Wrangler y un pick up Great Wall. Por a constata mesora cu e impacto tawata uno bastante fuerte.

Den e Jeep tawata tin un pareha turista di edad, y por a mira cu e cabayero tawata tin algun corta chikito di glas cu a spart.

Na e sitio polisnan a compronde cu e manera mayora di e otro accidentenan e falta di preferencia ta keda hunga un rol ariba e caminda ey.

Di e chauffeur di e pick up nos a compronde cu e tawata bayendo nort y ta wordo sorprendi pa e Jeep cu a subi su dilanti y un boksmento tawata inevitabel.

Por a mira cu e pick up a dal e Jeep hopi duro, causando cu e la bay para ariba e acera memey caminda.

Ambulance su presencia a wordo pidi, y na su yegada Paramediconan a baha y bay atende cu e turista masculino. 

E no tawata desea di bay Hospital pero si tawata dispuesto pa wordo controla den e ambulance. 

Takelwagen mester a presenta move e autonan, e pick up tawata pa wordo bendi.