205
Oranjestad, L.G.Smith Boulevard – Oranjestraat. Diahuebs den careda di 9’or y mey, a sosode un boksmento pariba di parlamento, na e crusada di L.G. Smith Boulevard cu Oranjestraat. E motibo di e boksmento tabata pa falta di dunamento di preferencia, entre un Nissan Sentra y un Honda Fit, un di e chauffeurnan no tabata tin rijbewijs.
Un patruya di polis cu a pasa eybanda a bin topa cu e boksmento y mesora a bay atende cu ne, pero door cu un di e chauffeurnan no tabata tin rijbewijs, e polisnan na e sitio a pidi pa presencia di polis di trafico.
Despues cu polis di trafico a atende cu e boksmento aki, takelwagen a wordo pidi pa hala e autonan for di riba caminda.
