Piedra Plat:Dialuna mainta den careda di 8’or Landsrecherche a subi caya atrobe.
E biaha aki nan a bolbe haci un entrada hudicial na cas di ex politico Gaby Werleman y awe a resulta cu nan no ta solamente meti den caso Ibis, pero nan ta sospechoso den caso Avestrus tambe.
Dia 05 September 2017, relaciona cu e caso Ibis, autoridad a haci un entrada hudicial na e cas aki y Señora Ninosca Nuñes kende ta casa di Gaby Werleman a keda deteni.
Gaby ta un persona prominente di partido Avp, e tabata candidato riba lista den pasado y durante Gobernacion anterior Gaby tabata un consehero principal di Gabinete Mike Eman 1 y 2.
Dialuna mainta pa sorpresa di tur hende Gaby y su señora a wordo deteni como sospechoso den e caso Avestrus, ambos a wordo transporta den dos diferente auto pa oficina di Landsrecherche pa mas investigacion.
