Update: Hobencito Arubiano envolvi den un accidente serio na Merca

Manera caba nos a publica den e articulo anterior, e hobencito di 13 aña cu a accidenta na Rock Hill South Carolina, su situacion ta grave.

Update:
Dokter a informa famia, cu e Janrick su operacion a bay bon y e lo keda wordo monitorea cada ora. Segun e dokternan nan a logra scapa e pia, su situacion ta stabil, pero grave. Nan a logra pa e tin circulacion di sanger na su pia, pero su recuperacion lo bay tuma tempo.

Ainda e hobencito lo mester somete na mas operacion, e circulacion den su pia tabata prioridad.
Den oranan di marduga pa mainta nan lo trata na trece poco poco bij y despues lo trata na saca e tubo di respiracion, asina cu e bin bij nan lo papia cu ne y splik’e kiko tur nan lo tin cu bay haci cu ne.

Famia y amigonan ta gradici tur cu ta den oracion pa recuperacion di Janrick y ta sigui pidi Aruba pa sigui yuda Janrick cu oracion. Su recuperacion ta den man di Dios.

Tambe un danki ta bin di parti e famia di Janrick na un y tur cu a haci y lo haci un donacion, pa yuda Janrick haya su salud bek. Primi riba e link pa donacion.

https://www.gofundme.com/f/unexpected-expenses-due-to-janrick-bellos-accident?utm_source=facebook&utm_medium=social&utm_campaign=p_cf%20share-flow-1&fbclid=IwAR3S5inLlqH-YtjW3jQL2xWJPUIHDLKGY7XewrX1KQ8FCA2aQUJ-n2MJFM8

Asina nos haya mas update nos lo publica esaki.