Home Local Hobencito Arubiano envolvi den accidente serio na Merca y ta den estado...

Hobencito Arubiano envolvi den accidente serio na Merca y ta den estado critico. Por medio di Gofundme ta recaudando fondo pa e gastonan imprevisto

SHARE

Recientemente famia Bello di Aruba, a bay pasa e dianan di fiesta na Rock Hill, South Carolina.  Locual mester tabata un vacacion placentero a caba den un pesadia pa henter pa e famia y pa tur otro miembronan di famia na Aruba.

E intencion di e vacacion cortico aki tabata, cu e famia di cuater enjoy algun dia campando, topa algun amigo y haci locual e dos yiunan ta gusta cu ta core dirtbike.

Diasabra den oranan di atardi tur cos a cambia, e famia tabata na un farm, Janrick a bay core un dirtbike y ora e tabata biniendo bek, unda su mama tabata para ta warde, dos UTV a caba di sali, esun cu a sali prome a lanta hopi stof, strobando e visibilidad di Janrick, e no por a mira e otro UTV biniendo y a dal frontal contra dje. Janrick a corta su pia hopi serio, cortando ader y nervionan. Ela perde hopi sanger.

Janrick Bello a wordo transporta cu hopi urgencia pa un hospital.
E hobencito a perde hopi sanger, mesora mester a drenta camber di operacion. E la sufri dañonan serio na su nervionan di pia y  ader .

Te na e momentonan aki e hobencito mester a pasa den multiple operacion. E hobencito Janrick Bello di 13 aña su situacion ta serio, pero segun famia dokternan ta tratando na scapa su pia. Famia Bello cu lo mester a regresa Aruba diadomingo ultimo, no por a regresa Aruba, pa motibo di e condicionnan serio y insigur cu Janrick ta actualmente aden.

Actualmente Janrick ta den coma y ta na machine di dialise pa filtra su rion.

E mayornan di Janrick,  Janina y Orlando Bello ta pasando den momentonan hopi duro. E team medico ta haciendo todo lo posibel pa trata na scapa Janrick su pia. Desde e accidente no a hala for di banda di nan yiu stima. Janrick ta un hobencito cu ta gusta haci varios deporte.

E incidente grave aki a trece hopi gasto imprevisto cu ne. Famia Bello sigur mester un ayudo pa cu e gastonan imprevisto, manera di e tratamento medico, e estadia na hotel, huurmento di auto, cuminda y diferente otro gastonan cu lo por bin acerca.

Pa e motibo aki amiga di e famia residencia na Merca a habri un gofundme pa e hobencito.

Amigonan y famia ta pidi henter e comunidad di Aruba pa un yudanza pa cu e gastonan halto cu e accidente aki a trece extra cu ne. Lo ke ta na alcanse di cada un, lo wordo hopi aprecia, por haci esaki riba e cuenta di gofundme

https://www.gofundme.com/f/unexpected-expenses-due-to-janrick-bellos-accident?qid=434f8e8eb93efd13f49a21026246348b

Tambe ta pidi tur cu no por haci un donacion, pa porfabor sikiera tene Janrick den boso oracion. Janrick mester hopi oracion.