Dos persona deteni den Guyabastraat pa no respeta Toque de Queda

Guyabastraat, Dakota:
Diadomingo algo despues di 10’or di anochi, despues cu Toque de Queda a drenta na vigor, dos persona a dicidi di subi caya y no respeta toque de queda. No a dura mucho cu un patruya tabata pasando de Guyabastraat ta bin topa cu e dos personanan aki.

Polis a topa prome cu un homber canando, mesora nan baha atende cu ne y a detene. Mientras cu polis tabata wardando riba e transportwagen di CEA, nan a nota un homber pasando cerca di polis riba su bais, e tampoco no tabata respetando Toque de queda. Mesora nan a para e homber riba bais y a detene tambe.

Transportwagen di CEA a transporta ambos pa Warda di polis.