Home Local Hospital ta prepara y solidario tanto pa local como cu islanan ruman...

Hospital ta prepara y solidario tanto pa local como cu islanan ruman den reino Ta escala y ta brinda cuido di emergencia y oncologico so

SHARE

 

 

Actualmente Hospital a escala y ta atendiendo casonan di emergencia solamente. E motibo principal ta cu den nos region tin un aumenta drastico di casonan di Covid y a pidi Hospital asistencia. Como pais solidario a dicidi di asisti cu e cuido aki na nos paisnan bisiña y lo escala e capacidad di Covid na Hospital pa asina por brinda e servicio aki.

 

Mirando e limitacion, operacionnan planea y dagopname cu NO ta di emergencia temporalmente ta ser cancela pues no lo tin operacionnan electivo temporalmente.  Lo tin 1 camber di operacion habri pa casonan di emergencia y pa pashentnan oncologico. Si bo tin afspraak pa un operacion esaki lo wordo posponi.  Hospital of e specialista lo tuma contacto cu bo. 

 

Door di e reduccion di cuido regular y cambio den e departamentonan di cuido lo crea un total di 30 cama extra di Covid y 6 cama extra di cuido intensivo. E cambio aki ta nifica cu otro siman Hospital tin 62 cama di Covid y 22 cama di cuido intensivo disponibel.

 

Hospital ta haciendo maximo esfuerso pa sigui brinda e servicionan di policlinica, testnan diagnostico etc. Si bo ta un pashent Covid-19 positivo ta pidi pa NO acudi bo cita sino cancela esaki via telefon y pidi un cita nobo. Corda cu na Hospital tin hende malo y cu sistema imuno abou y por contagia nan, pues ban cuida nos pashentnan, bishitante y personal. Si ta emergencia porfabor menciona cu bo ta Covid-19 positivo.  

 

Nos ta spera cu pronto lo tin stabilidad y un reduccion di casonan positivo di Covid. 

 

Gradicimento ta bay na tur personal na Hospital pa nan dedicacion y sosten continuo cu e retonan ta trece cu ne. Tambe nos ta urgi tur hende mantene nan mes na regla nan stipula pa Hospital y alabes bisti bo mask cual ta obligatorio. Hospital kier recorda tur hende si pa sigui cuida, mantene distancia social y keda bisti bo tapaboca pa hunto nos por combati’e!