Home Police Polis a detene tres persona den un Ford Fiesta, despues cu nan...

Polis a detene tres persona den un Ford Fiesta, despues cu nan tabata siguiendo un otro auto y lo a los tiro

SHARE

Parish Hillweg, San Nicolaas:

Diabierna algo despues di 2’or di merdia, ta yega un informacion cerca polis, cu riba e caminda di Mabon bay ariba, lo tin un Ford Fiesta ta siguiendo un otro auto.

Mesora a manda varios un patruya direccion di Mabon bay ariba, e autonan a pasa Weg Seroe Blanco bay direccion di Weg Fontein, na e rotonde aparentemente e auto patras lo a los dos tiro riba e auto nan dilanti. Varios patruya y unidad policial a mobilisa den e area aki.

Hopi lihe den un hanchi un poco mas pabou di unda ta lanta e avion di remote control, esta Parish Hillweg nan a bin topa cu e auto cu lo tabata sigui e otro, den e auto aki tabata tin tres persona, dos homber y un dama.

E polisnan mesora a para e auto, un Ford Fiesta Shinishi, mesora mas patruya y recherche a yega na e sitio. E polisnan na e sitio a rista e auto completamente, no ta conoci kiko tur nan lo por a haya den e auto.
Esaki pa motibo cu nos no a ricibi niun informacion oficial di polis ainda.

E auto a keda confisca y e tres sospechosonan a wordo transporta pa warda di polis pa mas investigacion. Aparentemente ta trata di un caso grandi y delicado.

Dunando cooperacion na autoridad, cara di e sospechosonan a wordo tapa.