ORANJESTAD – Departamento di Asuntonan Economico, Comercio y Industria mediante su unit di Iniciativa pa Desaroyo pa Empresa Arubano (IDEA) ta organisando un Webinar cu su partner Erasmus Consulting & Training specialmente pa e grupo femenino riba e topico di “Strategic Entrepreneurship & Innovation” riba dia 26 di maart 2021.
Tur aña IDEA ta enfoca riba un grupo di entrepreneurs cu e kier dedica diferente topico comercial pa nan. Den pasado IDEA a enfoca riba e grupo di sector primario (Agripreneurship), riba e grupo di muchanan (Kidpreneurship), riba grupo di pensionadonan (Silver Entrepreneurship) y e aña aki ta plania pa dedica riba e grupo femenino (Women Entrepreneurship).
Pa e motibo aki IDEA a dicidi di organisa su prome webinar pa e grupo femenino pa informa nan cu e informacion y tecnica riba e “Entrepreneurship” Strategico y Innovacion pa lidera un empresa of organisacion innovativo.
Innovacion ta esencial den e mundo moderno di empresa, si acaso bo ta desea di inicia un negoshi nobo, agrega conocimiento na bo funcion actual of cuminsa cu consulta riba e parti empresarial, e conocemento y habilidad empresarial lo yud’abo logra e meta máximo den bo carrera.
Tambe IDEA kier remarca cu nan lo sigui organisa mas webinar dedica na e grupo femenino cu kier cuminsa un negoshi of tin un negoshi existente y kier educa nan mes riba diferente topiconan comercial.
Por sigui nos riba Facebook page @Idea-Aruba pa mas webinar y otro actividadnan di IDEA den futuro. IDEA ta sigui brinda su servicio di duna informacion na clientenan virtualmente. Aunke e cliente no por wordo atendi ainda na nos oficina, por mail na [email protected] of [email protected] of por yama IDEA na 521-2439/440 pa haya tur informacion necesario.