Home Politics Parlamentario Edgard Vrolijk (MEP): Un biaha mas sr Arthur Dowers ta purba...

Parlamentario Edgard Vrolijk (MEP): Un biaha mas sr Arthur Dowers ta purba baha su frustracion riba dos dama Minister

SHARE

Un biaha mas nos por a tuma nota con frustra sr Arthur Dowers ta unda cu un biaha mas na un manera baho y sin niun respet ta dirgi su mes na Minister President sra Evelyn Wever-Croes y Minister di Economia y Finansas sra Xiomara Maduro. Ta di lamenta y sigur cu e dos damanan aki ta haciendo lo maximo pa pais Aruba por recupera despues cu e persona frustra aki hunto cu su compadre Mike Eman a destrui e pais aki financieramente.

Arthur Dowers y Mike Eman a destrui Aruba
Sr Arthur Dowers ta cana tur dia den gang ta yora cu e no por baha cu pensioen pa motibo cu e y su partido mes a haci e cambionan unda cu awo e tin di warda te 65 aña manera tur hende normal pa baha cu pensioen. Pero mas tristo ta cu el a lubida cu e tabata e Minister ora cu sr Mike Eman a bay bebe ensure pa motibo di mal maneho financiero di partido AVP unda cu Hulanda a dunanan un KB y unda Hulanda contra nos constitucion a obliga Mike Ensure Eman y AVP pa acepta CAFT. Y e mas tristo ta cu Aruba ta haya un KB na e mihor momento economico di Aruba como pais, pero Gabinete Mike Eman 2 completo incluyendo sr Dowers a bira adicto na placa y Hulanda a purba paranan pero ya tabata demasiado laat.

Minister President Y Minister di Economia y Finansas a actua corectamente
Na momento cu Covid a dal Aruba nos tabata riba e bon caminda unda cu tabata bay di dos aña tras di otro cu pais Aruba lo a conoce 2 presupuesto cu surplus compara cu 8 aña di deficit di Mike Eman unda nos debe a mas cu duplica. Na momento cu Aruba no tabatin entrada mas corectamente a haci un apelacion pa ayudo conforme articulo 36 di Statuto na Hulanda. Y Hulanda a cambio di esaki a bin cu exigencianan y un di nan tabata un entidad cu lo mester percura pa trece cambio y tambe percura pa e placa ser usa na locual a ser pidi. Y desde principio nos Minister President y nos Minister di Economia y Finansas a para duro cu locual nan ta haciendo no ta cuadra cu e contenido di Statuto. Pero tabatin tin dos opcion: 1) di laga Aruba kibra y 2) acepta ayudo y sigui e caminda di lucha. Y corectamente a escoge e caminda di acepta ayudo pa Aruba no kibra y sigui e caminda di busca lo corecto y awe Raad van State ta confirma esaki y unda awo e porta ta habri pa dialogo di berdad pa yega na un producto cu lo faborece Aruba respetando nos autonomia pero tambe cu lo percura pa Aruba recupera.

Pues mensahe na sr Dowers si bo no ta contribui cu nada positivo bo baha na awa. Aruba ta pasando den momentonan dificil danki na su mesun mal maneho hunto cu Mike Eman y Aruba mester hende di berdad pa yuda y no un hende amarga cu ta cana rond ta baha su frustracion di no por baha cu pensioen y ta sinta ta mara e pais aki. Pues un biaha mas si bo no ta contribui sr Dowers bo baha na awa.