Dama herida den accidente di trafico na Catiri

Catiri – Diahuebs algo pasa di mey anochi informacion a drenta cu un auto a bolter den e bocht conoci na Catiri.

Mesora patruyanan ariba caya a cuminsa bay e sitio.

Na yegada nan a bin topa cu un Suzuki color blauw memey caminda y cu basta daño material.

Den e auto tawata tin un dama cu tawata tin dolor na curpa.

Polis a pidi pa un ambulance cu despues di algun rato a presenta na e sitio.

Paramediconan na yegada a papia cu e dama y nan a opta pa transporta e dama pa Hospital. 

E area aki pa un of otro motibo ta keda un problema pa algun chauffeurnan, cu kizas no conoce e caminda bon y of ta core cu velocidad halto.