Home International Video: Avioneta di un motor a crash riba un auto, tres persona...

Video: Avioneta di un motor a crash riba un auto, tres persona a fayece y un ta hopi critico

SHARE

North Perry Airport, Pembroke pines, Florida:
Dialuna den oranan di merdia, tres persona a perde nan bida, na momento cu un avioneta di un motor a crash riba un auto cu tabata riba caminda.

Esaki a sosode den un bario den e estado di Florida. E victimanan tabata e dos personanan den e avioneta, kende nan a wordo identifica como Yaacov Nahom y Grant Husta, Taylor Bishop di 4 aña cu tabata den e auto hunto cu su mama. E mama ta interna den un situacion hopi critico na hospital. Esaki autoridad local a informa prensa.

E accidente a tuma luga den e bario di Pembroke Pines, cu ta keda cerca di e aeropuerto local North Perry Airport. E Beechcraft Bonanza, un avioneta di un motor, a hay’e den problema mesora despues di a lanta buelo. E mester a haci un birada na rechts pa asina baha back na e aeropuerto. Aki ta caminda e fout a sinta, e avion tabata algun meter dilanti di e pista y a dal den kabelnan di coriente, esaki a pone cu e la crash net riba e Hyundai SUV, den cual e mama cu su yiu homber chikito tabata. Segun testigonan e hala a touch vloer prome.

Ambos persona den e avioneta a muri mesora, E dama chauffeur di e SUV Hyundai y su yiu homber a wordo hiba cu urgencia pa Hospital y dialuna anochi Taylor Bishop di 4 aña a fayece.
E tragedia aki a wordo graba pa un camara, di un bel di porta di un cas. Aki por a mira exactamente kiko a sosode.