Saliña: Diabierna den oranan di merdia un team di strandpolitie a logra pone man riba tres persona sospechoso di ladronicia. Esaki despues di un investigacion profundo.
E team di strandpolitie tabata haciendo e investigacionnan necedario pa motibo di e cantidad di hortamento cu tabata pasando den e area turistico tabata keda aumenta.
Durante e investigacion e recherchenan di strandpolitie a bin haya prueba y mas informacion cu e ladronicianan aki tabata wordo cometi pa e tres sospechoso aki.
Pa e motibo aki e team di strandpolitie a bay na e adres na Saliña y aki nan a bin topa enberdad cu e tres sospechosonan. Dos a wordo deteni prome y na momento cu e transportwagen tabata na caminda pa warda di polisy mester a bira bek, pa motibo cu polis a logra topa cu e di tres sospechoso, nan tur a keda deteni y transporta cu transportwagen di polis pa warda.
