Minneapolis – Famia di George Floyd a yega na un settlement cu e estado di Minneapolis di 27 miyon dollar.
Su morto cruel aña pasa a conduci na un protesta Mundial contra racismo y abuso di policial. Un grupo di consehero di e estado di Minneapolis a vota unanime pa e settlement den corte. Segun abogado di e famia, esaki ta e settlement di mas grandi di un ciudadano den historia di Estados Unidos
George Floyd a wordo aresta door di polis mei 25 2020, segun polis e lo a usa un papel di 20 dollar falso. Polis a usa forsa bruto y desproporcional pa manda Floyd tera.
Siguientemente e polis Derek Chauvin a pone su rudia ariba nek di George pa 7 minuut y 46 seconde.
Un ciudadano a graba tur esaki cu cellular, y hasta por scucha George bisando “mi no por hala rosea” rogando pa su bida. E video aki tawata e mecha pa a cende e protestanan masal rond mundo contra abuso policial.
E agente policial a nenga di e kita e rudia for di e nek di Floyd locual a conduci na morto.
E siman aki e caso a cuminsa den corte contra Derek Chauvin(44).
Fin di april lo por spera sentencia y castigo.
Pa loke ta e otro tres agentenan sospecha di ta complice nan caso lo bin dilanti augustus 23 di e aña aki.
