E señora Ria van Ham di 107 aña, di mucha e tabata lucha pa su keda na bida y awo na e edad halto di 107 aña Ria a wordo contagia cu Covid-19 y a recupera di dje.
Den Haag, Hulanda: Ria van ham a nace na Den Haag den e bario Archipelbuurt y di jong e la cuminsa sufri di pression halto y awo na e edad 107 aña, e la wordo contagia cu Covid-19 y e dama fuerte aki a sa di recupera di e malesa cruel aki. Su infancia y hubentud no tabata esun di mas miho, durante su infancia y hubentud Ria a biba pa un tempo basta largo den un internaat.
Su yiu homber mas chikito yama Hendrik, a conta cu ora su mama a cumpli 100 aña su mama tabata bibando su so den su cas na Voorburg. Su yiu homber Hendrik tabata traha como piloto na Merca, e la dicidi di retira y regresa Hulanda pa tuma e cuido di su mama bou su encargo. Segun Hendrik, su mama ta corda hopi cos y ta bon na tino.
E yiu homber a conta cu e famia di parti di su mama ta hendenan cu ta biba largo, mama di Ria a muri na edad di 92 aña, su tres ruman hombernan cu a imigra pa Merca y Canada a biba 90 halto y su ruman mayor a biba 100 aña.
Como 7 aña pasa e yiu homber di Ria, a busca diferente hende pa yuda cuida su mama den su cas na Voorburg. Ria tabata tin hende 24 ora pa dia pa cuid’e. Dos aña pasa Ria mes a tuma e desicion y a pidi su yiu pa e bay biba den un cas di cuido pa anciano. E famia a cumpli cu esaki, nan a laga interna Ria van Ham, na e recientemente construi woonzorgcentrum Vliethof, cu ta keda un 200 meter di e cas caminda Ria pa hopi aña a biba.
Covid-19 a drenta y despues di varios biaha cu Ria a wordo getest y tur a sali negativo, asina mes Covid no a pasa Ria voorbij,
Ria a wordo contagia cu e virus di Covid-19, na prome instante e su famia a spanta, pero ora cu e la cura, tabata manera un alivio pa e famia. Ria a haya Covid-19 basta suave, mas tanto e tabata sinti su mes hopi cansa. Ria ta e di dos dama di edad hopi avansa na Hulanda cu a wordo contagia cu Covid-19 y a recupera di dje.
Segun Hendrik, si puntra su mama con ta cu bo? semper e tin e mesun contesta: ” Nou, best goed hoor”.
Ria van Ham a conoce su casa an 1940 y e mesun aña aki nan a casa. Na 1990 nan a a celebra nan boda di oro cu un fiesta masha grandi mes. Lamentabelmente na 1992 su casa a fayece di un ataca di curason, durante vacacion riba un cruiseship, e siguiente stop tabata Alaska y aki Ria mester a baha y su so a bula bay bek Hulanda cu su defunto casa.
Segun su yiu e ta convenci cu e forma positivo di pensa di su mama, ta yud’e biba largo y recupera di e virus. Ria no ta yam’e virus Covid-19, pero di dos Spaanse Griep, Covid-19 ta mucho ta mucho complica pa un señora di 107 aña. Ria a conta cu esaki ta e di dos Spaanse Griep cu e la pasa aden den su bida.
E famia ta spera cu November 2021 nan lo por celebra su di 108 aña y tambe nan ta spera cu e episodio di corona, pasa pa pasado y no yega cerca di Ria mas.
