Ayera anochi e sistema di radar di Wardacosta a detecta movecion di un boto biniendo direccion di Aruba. Mesora RCC a dirigi un patruya di Metal Shark di Wardacosta pa intercepta e boto. E Metal Shark ta logra intercepta e boto ‘El JUNIOR’ procedente di Venezuela cu 14 indocumentado abordo un rato despues den awanan territorial di Aruba.
Den bon cooperacion cu helicopter di Kuerpo Polisial di Aruba a dirigi e boto pa Marinierskazerne Savaneta. E capitan y su ajudante a keda deteni i e resto di e tripulantenan a wordo traslada pa Warda nos Costa. Un caso cu a demonstra e bon colaboracion entre e partnernan encarga cu vigilancia di frontera.
Wardacosta lo sigui ku patruyanan intensivo riba lama y ta haña sosten di milisianan di Aruba tambe pa asina efectua vigilancia 24 ora pa dia durante 7 dia pa siman. Alabes e patruyanan ta vigila y proteha e fronteranan di transportenan di droga, traficacion di hende y di arma. Na momento ku un habitante alerto mira un situacion sospechoso of peligroso riba lama nan por yama Wardacosta riba e number 913. E number aki ta alcansabel di dia i anochi.
