Caya Ritmo: For di diaranson polis ta bezig cu un problema cu tin entre gruponan di Chines na Aruba New China Club. Aparentemente esaki ta pa motibo di un of mas desgusto den e directiva y probablemente cu e presidente di e Club Chines. Polis a intermedia diaranson pero e problema a keda.
Diahuebs durante dia nan a bolbe pidi pa presencia di polis na e dicho club. Diahuebs den oranan di atardi, algun chines tabata na e club y na momento cu un otro grupo a yega, esun cu tabata eynan a sali bay y e problema a escala, na momento cu nan a ripara cu e lock di e porta di e edificio a wordo cambia, esaki aparentemente lo ta pa niun otro miembro lo por drenta pa busca of saca algo for di e Club.
Na yegada e grupo a papia cu polis y nan a splica kiko a pasa y tambe nan a duna polis un number di telefon pa yama e persona cu probablemente lo ta esun cu a cambia e lock di porta. Polis lo a yama e number y despues di un rato polis a topa un poco mas pazuid cu e persona aki y a papia cu ne, pero no ta conoci si a yega na un solucion pa e problema aki.
