Diariamente, e narco traficantenan ta uza tur sorto di metodo pa trata na manda cargamentonan di droga pa diferente parti di mundo, nan tin un sin fin di strategia cu nan ta uza pa trata na burla di autoridad Colombiano.
Barranquilla, Colombia:
Diamars ultimo na e waf na Barranquilla, a descubri un cargamento di 304 kilo di cocaina scondi den cahanan di lamoenchi, e cahanan di lamoenchi tabata destina pa Rotterdam, Hulanda.
Autoridad a dicidi di rista den mas o menos 5 mil caha di lamoenchi cu mester a sali cu destino Rotterdam, Hulanda. nan a descubri un total di 6322 manera blachinan geseal cu cocaina scondi den e cahanan di lamoenchi.
E cacho di polis “Ronny” cu ta specialisa pa detecta droga a inspeciona e cahanan aki y mesora a alerta autoridad cu den e cahanan aki tin algo mas cu lamoenchi.
E droga haya den e cahanan di lamoenchi a wordo confisca y pasa pa polis pa destruccion y tambe pa nan haci mas investigacion.
E hayazgo aki ta un golpi duro pa e organizacionnan cu ta dedica na trafica droga via barconan. E droga confisca lo tabata tin un ganashi di 13 miyon dollar pa e narco traficantenan.
Autoridad Colombiano ta realisando varios investigacion pa determina na cua grupo di narcotraficante e cargamento aki tabata pertenece.