Caya Ernesto Petronia – Diadomingo anochi laat pasa di 10:30 habitantenan den Caya Ernesto Petronia a scucha masha hopi desordo mes na un adres. E desordo cu gritamento tawata sali di un cas cu lo ta un apartament complex.
Segun informacion, mas trempan lo tawata tin un fiesta y segun e oranan tawata pasando cos a cambia.
Dado momento te hasta a scucha gritonan di auxilio.
Segun informacionnan un homber lo a maltrata un dama y polisnan cu a yega e adres a detene e homber.
Por a mira cu e homber tawata bastante excita y full soda.
Un otro informacion a indica cu kizas no tawata ni fiesta, pero mas bien cosnan oculto cu tawata wordo practica y algo lo a bay robes cu homber aki.
Posiblemente tawata trata di sacamento di spirito malo for di curpa di hende.
