Caya Luna – Dialuna algo prome cu 5 or di atardi ta drenta un informe cu na un cas den Caya luna, un mucha lo a hoga den pool.
Mesora a manda pidi ambulance cu urgencia. Na yegada mesora personal di ambulance a cuminsa duna e criatura di 4 aña prome auxilio. E mucha a bin bij, e la wordo transporta cu ambulance pa hospital.
Dos patruya di polis a presenta na e cas y nan a wordo informa cu na e cas tabata tin un happening canto di pool y un persona lo a ripara cu e mucha homber di 4 aña a bay fondo. Mesora esnan na e sitio a saca e mucha y a cuminsa dune CPR wardando yegada di ambulance y esaki a yuda scapa e mucha.
Presencia di slachtofferhulp a wordo pidi. Un patruya na e sitio a hiba e mama hospital. Mientras un otro a keda na e cas pa tuma tur dato.
