Camacuri – Diasabra algo pasa di mey anochi informacion a drenta cu un auto a drenta cura di Airport na altura di Camacuri, o sea cerca di e runway unda avionnan ta bay pabou. Mesora polis a sali pa e sitio
Na yegada polis a topa cu un taxi marca Honda casi full den e cura di Airport, pega na e auto un mata di coco.
Na stuur tawata un dama hoben, e tawata ok.
Por a mira lastronan cu ta mustra cu lo tawata bin di pariba y den e bocht dilanti e banco e la kita bay na su man robes, rancando un mata di coco bay cu ne.
Securitynan di AAA tambe a presenta na unda e auto a drenta.
Un parti cu lo mester wordo drecha masha lihe mes.
Polisnan a tuma dato, y durante cu nan tawata haciendo esaki mama di e dama a presenta na e sitio pa pone su mes na altura di loke a pasa.
Na final e dama mester a regla cu e compania di seguro y takelwagen mester a saca e vehiculo for di cura di Airport.
Mester remarca cu e area aki ta uno undo cu den pasado a sosode un cantidad di accidentenan cu resultado fatal.
