Miembronan di fraccion di POR a bishita Instituto Medico San Nicolas, Imsan, unda nan a haya un recorido door di e instalacionnan di e centro medico aki, cual tin instalacionnan top of the line.
Alan Howell a expresa despues di e bishita aki cu “Imsan San Nicolas por conta cu tur sosten cu ami y fraccion di POR por duna den Parlamento pa nos tin un centro medico top of the line na San Nicolas”.
El a conta cu specialistanan medico ta haci varios operacion pa dia, entre otro, di wowo, mientras cu Imsan tin capacidad di haci cualkier operacion cu spoed si ta necesario. Tambe ta duna e cuido di radioterapia riba un nivel super modern y te hasta pashentnan den nos region ta bin Aruba pa haci nan operacion na Imsan.
Adicionalmente tin un seccion super specialisa y moderno di dialyse. Un seccion moderno cu ta prepara e instrumentonan pa haci operacion, Centrale Sterilisatie Afdeling, bou engargo di Eddie James.
Finalisando Alan Howell a bisa cu e ta hopi proud pa mira con nos hendenan profesional y specialmente nos hendenan di pariba di brug ta haci un tremendo trabou den e Centro Medico aki, sin lubida Dr. Rajnherc cu ta e director.
