Kudawecha: Diasabra algo despues di 1’or y cuarto di merdia, presencia di polis a wordo pidi cu hopi urgencia na un adres na Kudawech pa un problema di pareha cu lo a bay for di man y cu tin un arma di candela envolvi.
Mesora varios patruya a bay na e sitio y enberdad a bin topa cu e pareha, den cual e homber tabata maltratando e dama, mesora polis a detene e homber. Na e cas polis a bin topa cu un holster di un arma di candela y mas municion den e cas.
Mesora e agentenan na e sitio a pidi pa presencia di departamento tecnico y recherche tambe a presenta na e adres pa cuminsa busca pa mira si nan lo por logra haya e arma di candela, cu e homber lo a usa durante e problema.
Transportwagen di polis a transporta e homber pa warda di Shaba. Un patruya di polis cu tabata na e sitio a transporta e dama pa warda pa e por entrega un keho di maltrato contra di e homber cu a caba di maltrat’e.
