Keito – Diabierna anochi den careda di 8:45 polis a wordo manda den area di bocht unda e restaurant ta situa, pa un accidente unda lo tin un baby envolvi.
Varios unidad a bay e sitio mesora pa mira e situacion.
Na yegada a constata cu berdad tin un baby den un di e autonan pero e no ta herida.
Mama di e criatura tawata esun herida na su pia pero nada grave.
E accidente a sosode momento cu un BYD bayendo nort lo a tuma e bocht posiblemente cu velocidad poco halto, y net momento cu un Starlet tawata bayendo zuid.
Aki ta unda e BYD a dal contra cu e Starlet. Segun informacion na e sitio, tera ariba caminda tambe a hunga un rol.
E dama tawata den e Starlet.
Ambulance a wordo pidi y na yegada a trata mama di e baby na e sitio.
Polis di trafico a yega na e sitio y tuma dato di ambos auto.
A resulta cu ambos vehiculo nan documentonan no tawata na ordo, ambos auto mester a a keda na banda di caminda. Niun di dos por a move ariba nan mes un forsa, debi na e daño material cu ambos a ricibi.
