Den Haag, Hulanda: E señora Marianne H. (62) diahuebs ultimo a wordo sentencia cu un castigo di prison di 8 aña, esaki despues di a apela. Marianne a hinca su casa Olaf di 59 aña mata na November 2017.
E victima tabata un conocido bendedo riba e Haagse Markt, den su cas, e la wordo hinca varios biaha y asina mes e la logra cana bay pafo y a cay muri den e gang dilanti su cas.
Segun Marianne, Olaf tabata maltrat’e pa hopi aña y pio ora e tabata bou influencia. E anochi cu e tragedia a sosode, e tabata mas pio cu normal, asina Marianne a declara, durante un zitting dos siman pasa. E pareha a bebe basta y ambos tabata bou influencia. Segen Marianne su casa a bati’e y despues a morde su nanishi, e homber a gar’e na su cabey y a lastre hibe den camber y tabata hari’e y insulte.
Marianne a cansa y a bisa ta basta, e la bay den cushina pasa man pa un cuchiu y sin por a pensa a hinca su casa.
Segun Corte na Den Haag, locual Marianne a haci, no ta defende su mes contra e abuso cometi pa su casa, pero a busca un confrontacion. E abogado di Marianne H. a trata na bringa e caso cu locual Marianne H. a haci ta defensa propio, pero segun corte esaki no ta e caso.
Marianne “Mi tabata kier ta un muhe fuerte’ Marianne cu Olaf tin 30 aña hunto y recientemente nan a drenta un enlace matrimonial, pensando cu e matrimonio lo por a drecha nan relacion. Hendenan yega na e pareha tabata na altura di e maltrato cu Marianne tabata ricibi di su casa, pero e mes nunca tabata papia over di e maltrat y ora puntr’e e tabata nenga. Tambe nunca e la bay polis of dokter, segun Marianne ” Mi tabata kier ta un muhe fuerte”.
E abogado general a cuestiona e historia di maltrato y a exigi un sentencia di 9 aña di castigo di prison. Pero Corte den apelacion tambe a sentencia Marianne H. na 8 aña castigo di prison.