Post kantoor ta di vital importancia pa nos comunidad. Pesey e Ministerio di Boluntario di Freewinds a desinfecta e edificio di postkantoor y tur e vehiculonan di post.Pero mas importante ta cu e Ministerio di Boluntario a duna seminario di prevención riba con pa mantene bo mes liber di Covid-19, na tur empleado di Postkantoor durante e ultimo 3 siman.E razón di esaki ta cu prevención lo gana e batalla contra e enfermedad.
E Ministerio di Boluntario a ricibi un llamada di un empleado di postkantoor pa duna nan asistencia pa desinfecta nan edificio y nan vehiculonan.
E Ministerio di Boluntario a responde inmediatamente y diadomingo mainta nan tawata na e sitio pa desinfecta e edificio di postkantoor y tur e vehiculonan di post, prome cu e empleadonan regresa nan trabou, sigurando cu nan tin un espacio sigur pa traha aden.
Sabiendo cu llamada di emergencia pa desinfecta so lo no yuda combati Covid-19 e Deputy Port Captain di Freewinds a ofrece pa duna seminario di prevención na e empleadonan di Post Aruba.E Operations Manager di Post Aruba, Sr. Ramon Croes, mirando e bentaha cu su personal wordo entrena pa combati Covid-19, inmediatamente a bai di acuerdo . E prome dos seminario a wordo teni e siguiente mainta na e edificio di San Nicolas y Oranjestad.
E di tres seminario a wordo teni un par di día despues na e edificio central di Oranjestad pa 11 miembro di staf di management.
E seminario tawata un combinación di presentación di video, instrucción y participación practico. E formato aki ta hasi e seminario mas fácil pa compronde pero mas importante ta cu e ta mustra e participantenan con pa aplica loke nan a siña inmediatamente, sea na trabou of na cas. Y asina ela sigi te ora tur personal y management staff di postkantoor a wordo entrena den prevención di Covid-19.
Deseando aun mas herment pa mantene nan facilidadnan liber di Covid-19 , e Management di Ppost Aruba a pidi pa nan mes staf di limpieza wordo entrena den e uso di D7 pa desinfecta, e mesun cu Ministerio di Boluntario ta usa. A cumpli cu e pedido aki y 5 personal di Post Aruba a wordo entrena y awor nan mes ta desinfecta e edificionan di postkantoor y tur e vehiculonan.
Awor cu nan tin nan mes equipo pa desinfecta y cu tur empleado sabiendo tur aspecto con pa preveni e malesa di plama Post Aruba a keda sigur.
E Operations Manager di Post Aruba, sr. Ramon Croes,A bisa lo siguiente di e Ministerio di Boluntario di Freewinds:” Mi kier gradici boso inmensamente. Esaki ta un iniciativa fantástico. Mi no sa con pa gradisi boso pa loke boso ta hasiendo. Nos ta masha agradecido pa nos mes y pa nos isla.”
Ta nos intención pa hasi di Aruba e lugar mas sigur na mundo. Si tur hende hasi di nan banda esaki por wordo logra. Tene na mente semper cu “un ons di prevención ta bal un kilo di cura.” E Ministerio di Boluntario di Freewinds tey pa sirbi y kier yuda tur esnan den necesidad.
Pa asistencia di e Ministerio di Boluntario di Freewinds pa desinfecta bo facilidadnan, pa ricibi un seminario di prevencion of training con pa desinfecta bo lugar di trabou of bo cas , por favor contact e Deputy Port Captain di Freewinds na email [email protected] of na Signal +1-727 549-8104 of na cel 297-747-1613.
Pa haya sa mas di Freewinds mira Inside Scientology: The Freewinds na The Scientology Network ( www.scientology.tv/series/inside scientology/freewinds.html).