Oranjestad – Diasabra den oranan di merdia autoridad a haya informacion di un cabayero turista cu ta contagia cu Covid-19. Segun nos a compronde e homber no a bay den cuarentena, manera cu e la wordo indica.
Pero, e homber a opta pa move rond ariba e isla den un Nissan Versa manera nada un pasa. E lo a bay cumpra comestibles.
Patruyanan ariba caya mesora a cuminsa busca e Nissan Versa cu e number conoci pa nan.
Na Citgo Boulevard un patruya a spot e auto(Nissan Versa) y a baha pa controla y verifica si ta e turista.
A resulta cu si y na nan turno a avisa DVG.
Despues di basta rato un bus di DVG a yega y a tuma tur cos over(comestibles), e homber y su amigo mester a subi den e bus.
Nan a subi den e bus mientras e Nissan Versa a keda atras y polis a keda cu e jabi di auto.
E caso aki ta pone bo pensa si e turista aki lo ta e prome turista cu no a mantene su mes na e regla stipula door di DVG.
No ta conoci pa cuanto dia e homber aki a bin Aruba pa vakantie y awor e mester bay den cuarentena.
