ORANJESTAD, Aruba – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna.
E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco.
Louisette Halley-Vlinder a ser seleciona durante di luna di december pa su tremendo habilidad di comunica ariba un nivel profesional y servicial.
Louisette Halley-Vlinder, Senior Retail Banking Representative, a brinda un servicio superior na clientenan den su area di trabou. E ta haci esaki cu un actitud positivo y bon comunicacion.
Louisette Halley-Vlinder su actitud positivo y bon comunicacion a resalta y a haci cu ela wordo nomina y reconoci como un empleado superior.
Aruba Bank ta felicita y gradici e miembronan di e famia di Aruba Bank cu a wordo nomina pa cliente y of colega pa yuda brinda tur cliente “Un Experiencia Superior”. Pabien Louisette Halley-Vlinder!