Home Police Nieto(16) a mata su welo(77), door di hinke varios biaha

Nieto(16) a mata su welo(77), door di hinke varios biaha

SHARE

Madiki: Diaranson den careda di 11.45 pm ta drenta un informe di un caso di hincamento na e adres Madiki #5. Cu hopi urgencia polis ta wordo manda na e adres.

Na yegada e polisnan ta topa cu un caso hopi tristo y lamentabel.
E victima tabata un persona grandi di edad (77 aña). E sospechoso tabata un hoben di 16 aña. Mesora a pidi pa presencia di ambulance cu hopi urgencia.

E victima tabata tin varios hinca na su curpa, den pecho y den garganta, y ta fayece na e sitio mes.

Na e sitio polis a detene e hoben sospechoso y mesora e la wordo transporta pa Warda di polis na playa.

Na e sitio a bolbe pidi pa presencia di un ambulance mas. Esaki tabata pa e mama di e sospechoso kende a bay den un shock total y tabata grita so.

E victima un Alex Tromp (77) a wordo hinca pa su propio nieto di 16 aña.
Un caso hopi tristo y lamentabel.

Autoridad concerni tur a presenta na e sitio. Slachtofferhulp tbe a wordo pidi pa atende cu e famia.

Den careda di 1 ‘or di marduga Dr. Texier a presenta na e sitio pa constata morto di e victima.