Home Police Un persona herida den accidente di trafico na Sabana Liber

Un persona herida den accidente di trafico na Sabana Liber

SHARE

Sabana Liber – Aña nobo anochi den careda di 10’or polis di trafico a bay Sabana Liber, unda e subida ta.

Eynan un pick up y un auto marca MG a boks.

Segun nos por a compronde e un dama na stuur di e pick up lo a hala na su banda contrario, net momento cu e auto MG tawata acercando.

Chauffeur di e MG a reaciona door di maniobra cu su auto, pero asina mes e pick up dal den banda di chauffeur di MG causando cu e auto a bira.

E pick up mes a sigui bay y a stop ariba un distancia banstante leu di unda e impacto tawata. Dos tire di e pick up a rementa, no ta mucho duidelijk si esaki a sosode prome of despues di e accidente.

Un dama den e MG a resulta herida y esaki tawata motibo pa e agente policial pidi pa un ambulance.

Na yegada di ambulance Paramediconan a atende cu e herido.

Un rato emocionnan a bay poco halto entre e agente policial y chauffeur di e pick up.